මගේ ඇසින් ඔය කස්ටිය 3...

ඔන්න අන්තිම කස්ටිය,.....

නිශාන්,

කාටවත් කරදරයක් නැති, කවුරුවත් තමන්ට කරදර කරනකොට වැඩිය හිතට ගන්නෙ නැති කෙනෙක් වගෙයි. තාමත් ජීවිතේ පටන් ගත්තා විතරයි, හොදම දේ අනිත් අයගේ අදහස් වලට ගරු කරන හොද මලයෙක්..

වීයා,

වැඩි වයසක් නැති ඒත් වයසට වඩා දැනුම් තේරුම් තියන අයියෙක් වගේ, හිතෙන දේවල් එක පාරට ප්‍රකාශ කරන්නේ නෑ, ඒකෙන් වෙන්න පුලුවන් දේවල් හිතල බලල තමයි කියන්නෙ.  මට හිතෙන්නෙ අනිත් අයට තියා පවුලෙ අයටවත් බලපෑම් කරන්න කැමති නැති කෙනෙක්.

දේශකයා,

ගොඩාක් කියවන්න වෙලාව දෙන කෙනෙක්, වයස ගැන හරි අදහසක් මට එන්නෙ නැත්තේ හැම වයසකටම අදාල දේවල් වලට කමෙන්ට් කරන ලියන කෙනෙක් නිසා. ඒ කියන්නෙ ගොඩාක් වයස කෙනෙක් උනත් තාමත් කොල්ල වගේ හිතනවා කියල. හොද කටකාරයෙක් වගේ, කියන ඕනි දේකට කියන්න දෙයක් තියනවා..

කෝරළේ මහත්තයා,

තාම චූටි කොල්ලෙක්, ඒත් විදල තියන අත්දැකීම් හරි, ඇසුරු කරන සමාජෙ නිසා හරි හොද දැනුමක් තියනවා. ඒ වගේම තමන්ගේ දේ අගේ කරන කෙනෙක්. කාටවත් කරදරයක් නැති අනුන්ට උදව් කරගෙන සැහැල්ලුවෙන් ඉන්න කැමති මල්ලියෙක්...

Silent Sahan,

වෙනස් චරිතයක්, හැමදේම වෙනස් විදිහකට බලන කෙනෙක්. සීරියස් වගේම ඊසි කියන චරිත ලක්ෂණ දෙකම තියන වෙනස්ම කෙනෙක්. වැඩිය තමන් ගැන පිටට කියන්න කැමති නැද්ද කියල මට හිතෙනවා..කොහොමහරි කවුරුහරි කෙනෙක් හිතට ඇල්ලුවොත් එයාට හුගක් සලකන කෙනෙක් කියල හිතෙනවා..

තරියා,

සැහැල්ලුවෙන් ඉන්නවා කියලා අපිට හිතුනට ලොකු ලොකු දේවල් දන්න ලොකු ලොකු දේවල් කරන මල්ලියෙක්, සමහර පෝස්ට් දැක්කම හිතෙනවා හරියට බ්ලොග් කෙරුවාව හිතට අරගෙන කරනවා කියලා, ඒ කියන්නෙ කරන වැඩේ හරියට කරන කෙනෙක්.

මාතලන්,

විවිධ මාතෘකා ගැන ඕන තරම් කතා කරන්න පුලුවන් බොහෝ ඇසූ පිරූ තැන් ඇත්තෙක් කියලා හිතෙනවා. තමන් හරි නම් අනිත් අය මොනව කිව්වත් ඒක වෙනස් කරන්නේ නැති කෙනෙක්..

අකමා,

තවමත් පුංචි කාලේ වගේම ගෙදර අයට තාමත් ලග කෙනෙක්, තමන්ගේකම ගොඩාක් දැනෙන කෙනෙක්. තමන් ගැන නම් තාම සෑහීමකට පත්වෙන්නෙ නෑ. තමන්ගේ වයසට තමන් කරල තියන කරන දේවල් ගැන සෑහීමකට පත් වෙන්නෙ නම් නෑ වගේ...

ඔන්න ඉවරයි... තව අමතක උන අය ඉන්නවා නම් සමාවෙන්න.. මේ ගනන් කරන්න බැරිතරම් කට්ටිය ඉන්න මේ බ්ලොග් ලෝකේ මේ කට්ටිය තමයි මට ගොඩාක් දැනුන අය... සමහර අයව මිස් උනා වෙන්න පුලුවන් සොරි හොදේ ඉතින්...

හා කටිටිය දැන් මං ගැන කිව්වනම්....