ඒ රැය උණුසුම්....

නුඹේ හුස්ම වැදෙන තරම්,

ලගින් ඉදන් තුරුළු කරන්,

නෙතින් නෙතට කතා කරපු,

ඒ රැය උණුසුම්….

සතුටු සුසුම් දෝරගලපු,

ලොව අපි විතරක්ම උන්නු,

නුඹ මගේම වෙලා දැනුන

ඒ රැය උණුසුම්….

දුකින් බලන් හිස් දෑසින්,

නළලත සිඹ ආදරයෙන්,

වෙන්වන්නට සිදුවුන

ඒ උදයත් උණුසුම්….

මගේ නොවන මගේම හිත...

 

 

හොයාගන්න නෑ වෙලාවකට

ඔහේ ගිහින් රස්තියාදුවක

අනිත් අයගේ දුක බලන්න,

අනිත් අයට හයිය දෙන්න

 

පැමිණිලි නම් ගොඩයි ඔන්න,

ඕනි වෙලාවක රවුමක

දුක දැනුනම මට කියන්න

හිතවත් නෑ මගේ තනියට

 

කියන්න වෙන නෑ කවුරුත්

අහන්න ඉන්නේ නුඹ නම්

දුවන්නේ ඇයි මග අරිමින්,

ඉන්නම වෙනවා ලග මම්,

 

 අහිංසකයි මලක් වගේ

දුක හිතුනම අඩන රගේ

දන්නේ මම විතරයි හැටි

උණුවෙන බව වෙඩරු වගේ

 

ලගින් ඉන්න හැමදාමත්

දිනාගන්න ලොව තාමත්

මගේ නොවී මගේ වෙන්න

බෑ නුඹ මගේ හිත තාමත්..

වසන්තය ඇවිදින්....

තනිව ගිය මග ගෙවන්නට අද තව හිතක් ඇවිදින්, 

හෙමි හෙමින් හිත වටේ පවුරක් බදිනවා සවියෙන්, 

ලබාගන්නට ලොබ බදින සිත නුඹ ගැනම රහසින්, 

පමාවී හෝ මගේ දිවියට වසන්තය ඇවිදින්....

ප : ලි : දැන් ඉතින් මේකට දහසක් කතා අහනවා කියලා දන්නවා... කැමති දෙයක් හිතාගනිල්ලා... :)

ඉතින් අවසර ...

සිනාසෙනවිට ආදරේ මට නොදැනි තිබුනා නොවේ..

අතැර යනවිට ජීවිතේ මගෙ නතර වූවා ඔහේ...

ඇහෙන නෑහෙන මියුරු කවිපද තනිය මැකුවා නොවේ...

ඉතින් අවසර නුඹ නැතුව මට ගමන යන්නට තියේ..
 

අනේ පුතේ නුඹ එන්නේ නෑලු.....

 

ඇගිලි ගැන්නා මම දින සති මාස

බලන් හිටියා මම, විදින්නට දුක් නුඹ එන දාක

හීන පොදි බැන්දා මම

ආඩම්බර වෙන්න පුතු පැටියට, දුවට

අම්මෙක් වෙන්න

සේරම හීන විසිරුනා මොහොතෙන්

නුඹට එන්න වෙන්නෙ නෑලු

දරුඵල නැතිලු මගෙ

කේන්දරේ ලියවී.....

දුක මෙතරම්...

 

 

අතරේ ජීවිත සැමරුම්
මතකය රිදවන බවනම්
දැන උන්නේ නෑ මෙතරම්
හැර ගියාම දුක කෙතරම්...

පටලා අත් වැල් සතොසින්
ගිය මග මතකද තාමත්
හැර යන බව කීවානම්
අද වෙන්නෑ දුක් මෙතරම්....

සතුටින් නුඹෙ මඟ හැමකල්
වෙන්නට පිපි මල් මාවත්
පතමින් නුඹ හට යහපත්
නවතින්නම් මෙතනින් මම්.....

තනි උනා මම....

වින්දෙ නෑ මම නුඹේ ප්‍රේමය
වෙන්වෙන්න නෑ හීන දැක මම
නොකර ප්‍රේමය දුන්න දුක නුඹ
හඩ හඩා සිහිකරනවා තව...

 

යන්න අවැසිව දුරක් තනිවම
අහස දිග නිදහසේ පියඹන
කරුණ කිම දැයි නොකියවන සද
හඩා වැලපුනි තනි උනා මම..

 

නොකියාම නුඹ ගියා අතහැර
සිහිකරන විට දැවේ හද තව
නැතිව මා නුඹ ගෙවන දිවි මග
සතුටු නම් හිත හදාගමි මම..

එක වහලයට ....??

නොනිම් සතුටකි
දැනෙන නොදැනෙන
මා ලගින් නුඹ දැවටෙනා

 

සිතුම් පොදිබැඳ
ගමන යන්නට
නුඹ නිරන්තර දිරිදෙනා

 

දුරක සිටියද
දැනෙන සුසුමක
නුඹ ඉදි මට ලංවෙලා

 

දිනය ලංවෙද
එක වහලයට
අපි අපේ වී හමුවෙනා

ජීවිතේ....

සිනිඳු සළුපිළි

සිරුර හැඩකල

සුවද විලවුන් පැලඳුමෙන් හැම,

හිනාවන් මුව දරා හැමදින

ගියා ඔහු පෙර දිනේ සතුටින,

 

ඇඟ දැමූ සළු

අනුන් රිසිවට

හරව හරවා සිරුර ඇදුමට

සැදුව පසු අවසන් දැකුමකට

අවමගුල් සභිකයන්

පෙරටුව

ගියා ඔහු අද දිනේ

පරලොව

සුසුම් පමණක් මෙහි ඉතිරිකර..

 

ආදරේ උණුසුම්....

නුඹේ සුසුමක පහස දරන්

උරමඩලේ හිස තියාන

කොඳුරපු අපි එකිනෙකාට

ඒ රැය උණුසුම්...

 

හීන සැබෑ නොවන තරම්

දුක් උනාට අහස තරම්

ආදරබස් දෝරගලපු

ඒ රැය උණුසුම්...

 

කෙහෙරැලිවල පහස ලබන්

නුඹ හිනැහෙන විටදි හොරෙන්

නෙතින් නෙතට කතා කරපු

ඒ රැය උණුසුම්...

 

පාන්දරින් දුක දෑසින්

නලලත සිඹ ආදරයෙන්

වෙන්වන්නට සිදුවුන

ඒ උදයත් උණුසුම්......

 

සිනාසෙමුද ??

 

නගන සිනහවන්

 

නුඹට එරෙහිනම්

මොකට ලබන සතුටා,

 

ගලන කදුළුවැල්

 ඔහේ ගලයි නම්

 නැතේ කෙනෙක් නුඹටා,

 

හෙලන සුසුම් හැම

පාවී යා නම්

නුඹට කිසිත් නැතිවා,

 

දරනු කෙලෙස දැන්

අහිමි හැම දරන්

සිනාසෙමුද සැමදා...

වැලන්ටයින්.....

දිනක් වෙන්කර
පෙම්වතුන් හට
අනග කුමරුනි
නුඹව රවටා...

 

පෙම මුලාකොට
හිඩැස් අතරෙන්
ඔවුනොවුන් හැම
මුලා වෙන්නා...

 

එළිය කරමින්
තරු මැදුරු හැම
උනුන් උන් හා
වැළද නටනා...

 

කුමට මිනිසුනි
ලබන කම්සැප
නුඹට බැරිකල
පිහිට නොවෙනා....

තරුවක් හිංදා ඇඩුවා බොහෝම.....

තරුවක් අල්ලන්ට

උඩ පැන බෝම,

බැරිකම දරාන

ඇඩුවා බොහෝම.....

හිත රිදී තනිව

හඩනා පැයක,

හිත මට කීවා

නාඩන ලෙසට....

තරු පායන්නෙ

එලියෙන් රවිගෙ

උන් ලග නෑ එළි

උන්ටම තනිව...

අඩමින් මොකට

තැවෙන්නෙ තනිව,

රවි කුමරුන්ට

හැකිනම් වඩින්ට...

නුඹ ඇයි නිහඩ....

පෙම් කෙරුවාම හිත නිදි නැතුව

දුක් දැරුවාම හිත තනිකමට

මල් පිපුනාට සුවදක් නැතිව

නුඹ නැතිවාම පාළුයි හිතම...

 

නුඹ තැලුවාට මගෙ මුලු හිතම

දුක් දැරුවාට අඩමින් තනිව,

උන් උන් කෝම කීවත් මහිත

නුඹ රැදුනාම හැමදා පිරින..

 

පින් නැතුවාට නුඹ ලග ඉන්න

අහිතක් නැතිද පියඹා යන්න,

නුඹේ සිත් අහස නුඹ මගෙ නමට

පවරනවාද නුඹ ඇයි නිහඩ....

 

මගේ පුතුට....

නුදුරු සිහිනෙක
දුටිමි මම නුඹෙ
සිනිඳු අත් පා ගැටෙනවා...

 

බිලිඳු අතැඟිලි
විහිද විහිදා
කිරි සිනාවන් නගනවා...

 

අවදි වී මම බැලිමි වටපිට
නැතේ නුඹ ලඟ සිඹින්ටා....

 

පුතේ නුඹ මගෙ
කුසට එනතුරු
තාම මම මග බලනවා.....

තනියට එන්නම්......

යොදුන් ගනන් දුර මල් පාවඩ නැති
නුඹ යන මග මම තනියට එන්නම්...

සිතින් දරාගනු බැරිව සුසුම්ලන
ඔය හිත ලග මම තනියට ඉන්නම්.....

නෙතින් දරාගනු බැරිව ගලායන 
කඳුලැල් පිසලා ලගින්ම ඉන්නම්...

ලොවම එරෙහි වී නුඹ තනිවූදා
හිස අතගා නුඹෙ සිත සනසන්නම්.....

නුඹෙ මතකය හැමදාමත් මට අගනේ නම්....

හිත් අහසට තරුවක් වී 

නෙත් අද්දර නුඹ රැඳුනම 

දෝර ගලපු සතුට දන්නෙ 

මම විතරක් නම්....

හීන වලට පාට අරන්

හැම හීනෙම පාට කරපු

නුඹෙ මතකය හැමදාමත්

මට අගනේ නම්....

ආදරයෙන් බලාගත්ත 

අනේ නුඹේ සිත් අහසට

අලුත් සඳක් පායාවිත්

එබී බලයි නම්...

සඳක් වෙන්න බැරි උනාට

රෑ අහසේ තරුවක් වී

හැමදාමත් නුඹේ අහස 

සරසන්නම් මම්....